मेचीमहाकाली डट नेट NEWS

❣️🇳🇵सत्यतथ्य सहितको राष्ट्रको संचार ❣️🇳🇵

“निर्वाचन आयोग,लाई प्रचण्ड,को चे`ता`व`नी- चुनाव चिह्न नपाए ‘आँधिहुरी’ आउँछ” 

1 min read

“काठमाडौँ– नेपाल कम्युनिस्ट पार्टी नेकपाको दाहाल-नेपाल समूहका अध्यक्ष पुष्पकमल दाहाल ‘प्रचण्ड’ले निर्वाचन आयोगले चुनाव चिह्न आफ्नो पक्षलाई नदिए ‘आँधिहुरी’ आउने चेतावनी दिएका छन् ।

“बुधबार नेकपाको आफ्नो गुटको काठमाडौं जिल्लास्तरीय भेलालाई प्रज्ञाप्रतिष्ठानमा सम्बोधन गर्दै दाहालले निर्वाचन आयोगले विधिसम्मत आफूहरुकै पक्षलाई चुनाव चिह्न दिन मिल्ने अवस्था रहेको पनि बताए ।

“‘हाम्रो पार्टीको नाम र चुनाव चिह्न हाम्रै हुनेछ, म यो विश्वास तपाइलाई दिलाउन चाहन्छु, यदि त्यसो भएन भने यहाँ ‘कयामत’ आउँछ भन्छन् नी हो आँधिहुरी बतास आउँनेछ ।’

“दलसम्बन्धी ऐनमा जोसँग ५० प्रतिशतभन्दा बढी केन्द्रीय समितिको संख्या हुन्छ त्यही पार्टी आधिकारीक पार्टी हुने बताएका छन् ।

“प्रधानमन्त्री केपी शर्मा ओलीले संघीय लोकतान्त्रिक गणतन्त्रको मुटुमा छुरा चलाएझैं अरू कुनै संवैधानिक निकायले त्यस्तो गरेमा नेपाली जनता हेरेर नबस्ने पनि उनले चेतावनी दिएका छन् ।

“पार्टी एकता गर्दा हतरपतर नभई विचारमा पर्याप्त संवेदनशीलता देखाएको पनि उनले दाबी गरे ।

“प्रधानमन्त्री ओलीलाई कटाक्ष गर्दै दाहालले भने, ‘कतिपय नेताहरु पोलिटिकल जोक्कर जसरी प्रस्तुत हुन थालेका छन्, यो विक्षिप्त मानसिकताको उपज हो कि भनेर किन प्रश्न नगर्ने ?’

“दाहालले आफ्नो पक्षको भेलाहरू कुनै पनि प्रहसन, उखानटुक्का र उत्तेजित बनाउनका लागि नभएको पनि प्रष्ट्याए ।

‘”हामी यहाँ कुनै प्रहसन गर्न, उखानटुक्का भन्न, उत्तेजित भाषण गर्न उपस्थित भएको होइन । मुलुक गम्भीर संकटमा परेको र त्यसको उद्धारका लागि एकजुट भएका छौँ।’

“ओलीले असंवैधानिक कदम चालेर मुलुकलाई संकटमा धकेलेकाले त्यसको प्रतिवादमा उत्रन परेको उनले बताए ।ताजा खबर बाट ।

नोट : mechimahakali मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई mechimahakalidotnet@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?