मेचीमहाकाली डट नेट NEWS

❣️🇳🇵सत्यतथ्य सहितको राष्ट्रको संचार ❣️🇳🇵

जनकपुरमा भारतीय संस्कृति राज्यमन्त्री: एक अर्ब भारु सहयाे गर्ने घोसणा

धनुषा – नेपाल भ्रमण वर्ष २०२० मा सहभागी हुन प्रदेश २ को राजधानी जनकपुरधाम आउनुभएका भारतका केन्द्रीय संस्कृति तथा पर्यटन राज्यमन्त्री प्रह्लाद पटेलले घाेषित एक अर्ब रुपैयाँ सहयोगका लागि लिखित प्रस्ताव पठाउन आग्रह गर्नुभएको छ । बिहीबार

जनकपुरधाम आइपुग्नुभएका राज्यमन्त्री पटेलले जानकी मन्दिरमा पुजापाठपछि सञ्चारकर्मीसँग कुरा गर्दै भन्नुभयो, ‘पछिल्लो पटक जनकपुरधामको भ्रमणको क्रममा प्रधानमन्त्री नरेन्द्र मोदीले यहाँकाे धार्मिक तथा पर्यटकीय विकासका लागि एक अर्ब भारतीय रुपैयाँ सहयोग गर्ने घोषणालाई पूरा गर्न यहाँबाट लिखित प्रस्ताव आवश्यक छ ।

राज्यमन्त्री पटेलले नेपाल र भारतको रामायणकालीन धार्मिक र सांस्कृतिक सम्बन्ध रहेको चर्चा गर्दै भारतीय प्रधानमन्त्री मोदीले घोषणा गरेको सहयोग रकम लिन भारत सरकारबाट पटक पटक ताकेता गर्दा पनि नेपाल सरकारले हालसम्म कुनै प्रस्ताव नपठाएका कारण कानुनी जटिलता उत्पन्न भएको बताउनु भयो ।

उहाँले भन्नुभयो, ‘हामीले नेपाल सरकारकाे पर्यटन मन्त्रालयलाई छिटोभन्दा छिटो एक अर्ब रुपैयाँ बराबरको योजना पठाउन ताकेता गर्दा हालसम्म यहाँबाट कुनै चासो देखाइएन, यहाँबाट प्रस्ताव आउनेबित्तिकै हामी रकम निकासा गरिदिन्छौँ ।’जानकी मन्दिरमा पूजापाठपछि उहाँलाई प्रदेश २ सरकारले एक कार्यक्रम आयोजना गरी स्वागत तथा सम्मान गरेको थियाे ।

नेपाली सेनाको विशेष हेलिकप्टरबाट १२ बजे जनकपुरधाम आइपुगेका मन्त्री पटेललाई विमानस्थलमा प्रदेश नम्बर २ का पर्यटन मन्त्रालयका सचिव डाक्टर प्रेम नारायण कँडेल, धनुषाका प्रमुख जिल्ला अधिकारी प्रदीप कँडेल, प्रहरी उपरीक्षक रमेशकुमार बस्नेत, सशस्त्र प्रहरी बलका प्रहरी उपरीक्षक राजेश उप्रेतीलगायतका व्यक्तित्वहरुले स्वागत गर्नुभएकाे थियाे ।

नोट : mechimahakali मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई mechimahakalidotnet@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?