मेचीमहाकाली डट नेट NEWS

❣️🇳🇵सत्यतथ्य सहितको राष्ट्रको संचार ❣️🇳🇵

बुद्व जन्मिएका मुलुकका नागरीक हौं , छिमेकिले तर्साउने काम ब’न्द गरोस्:✍️ ज्वाला संग्रौला

आफ्नो देशको सिमा सुरक्षा , भौगोलिक अखण्डता र स्वाभिमानका खातिर कसैसँग नडराई , कसैसँग नझुकी , सड़क र सन्जालबाट आवाज उठाउनुहुने र सीमानामै पुगेर आफ्नो माटोको रक्षा गर्न उँभिनुहुने सबै रास्ट्रभक्त नेपालीहरुलाई हार्दिक सलाम गर्न चाहन्छु।

अहिले देश दुखेको छ। यो अवस्थामा हामीले तँ यो पार्टी तँ ऊ पार्टी , तँ मेरो मित्र , तँ मेरो दुश्मन केहि नभनि नेपाली हुनुको नाताले देशको हितको निमित्त जे जे गर्न सकिन्छ गरौँ ।हामीले भारतसँग डराउनु पर्ने कुनै पनि कारण नै छैन किनकी हेपेको र थिचेको भारतले हो हामीले हैन।

एउटा छिमेकीले बारीको कान्लो थोरै भत्कायो भने त पन्चभलाद्मी बोलाएर मुद्दा हालेर न्याय खोज्ने समाजका नागरिक हौं हामी !मोदीले दिन दहाडै यसरी हाम्रो देशै फुटालेर उस्को जमिनमा गाँसिरहँदा चुप बस्न हाम्रो नैतिक चेत र आज़ाद इतिहाँसले कदापी दिँदैन!

भलै क्षेत्रफलमा भारतभन्दा २२ गुना साना छौं हामी , यस्को मतलब यो होइन कि हाम्रो स्वाभिमान २२ गुना खुम्चिएको छ।

जतिबेला ब्रिटिश साम्राज्यबादको ग़ुलाम बनेर भारत चिमोटिएको र निचोरिएको थियो, त्यतिबेला त्यहि भारतको छातीमा बुट बजार्ने ब्रिटिश सेनाले हाम्रा जंगबहादुरलाई २१ तोपको सलामी दिन्थे! अहिलेका हाम्रा नेता निकम्मा भएर पो भारतले हेपेको हो त!

तर यसरी पटकपटक नहेपे हुन्छ ! हाम्रो बीरताको इतिहाँस मोदीले खोसेको हाम्रो कालापानी बचाउँनै नसक्ने निम्छरो चाहिँ बिल्कुल छैन ।भारतले नेपालको टाउकोमा डोजर चलाएर तर्साउँदैमा केहि नापिँनेवाला छैन!

किनकी चाहेर पनि भारतले नेपालसँग युद्द लड्न सक्दैन किनकी आजपनि भारतको भूमि बचाउँन पाकिस्तानो बोर्डरमा रगतको टिका लगाएर उँभ्याईँएका गोर्खा रेजिमेन्टका पराक्रमी सिपाहीहरुको नाभी हाम्रै नेपालको माटोमा गाडिएको छ!

र अन्तर्राष्ट्रीय सन्धिमा के भनिएको छ भने यदि इतिहाँसको कुनै कालखण्डमा नेपाललाई संकट पर्यो या युद्दको लफडामा नेपाल तानियो भने ति आतंकबादीको मुटुमा मेसिनगन चलाएर पाकिस्तानको बोर्डर जम्बु कास्मिर र कारगिलमा तैनाथ गोर्खा सिपाहीहरु नेपालले फिर्ता बोलाएर आफ्नो देशको लागि खटाउन पाउने छ!

यदि गोर्खा राईफल्सका सिपाही भारतबाट बाहिरीने हो भने उस्को आफ्नो सम्पुर्ण मिलिटरी पावर जिरो हुन्छ ! तसर्थ युद्द त सोच्दै नसोच्दा हुन्छ भारतले । भरसक बार्ता र कुटनैतिक पहलबाटै अगाडि बढौं।

किनकी हामी नेपालीहरु गौतम बुद्दको देशका नागरिक हौं, युद्द हैन शान्ति चाहन्छौ! यदि आफ्नो साईजसँग भारतलाई त्यत्रो ठूलो घमण्ड र छ लड्नै आउँछ भनेपनि हामीले आफ्नो स्वाभिमान र सीमाको खातिर लड्न तयार रहनु पर्छ !

आफ्नो माटोको लागि मर्न पनि तयार रहनु पर्छ ! भियतनामजस्तो सानो टापुले 50 राज्यको मालिक अमेरिकालाई मेक्सिकोको भिरबाट उभिण्डो पारेको इतिँहाँस भारतलाई नेपालले सम्झाईरहनु नपर्ला ..! जय_नेपाल

नोट : mechimahakali मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई mechimahakalidotnet@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?