मेचीमहाकाली डट नेट NEWS

❣️🇳🇵सत्यतथ्य सहितको राष्ट्रको संचार ❣️🇳🇵

“एक महिना पछि, फेरी पनि केपी ओली, प्रधानमन्त्री !

“काठमाडौ । सर्वोच्च अदालतको फैसलावाट शेरवहादुर देउवा प्रधानमन्त्री नियुक्त भएका छन् । उनले सानो मन्त्रीमण्डल विस्तार समेत गरिसकेका छन् । अब मन्त्रीमण्डल विस्तारको तयारीमा रहेका देउवाका अगाडी सरकारलाई निरन्तरता दिन अझै ठूलो चुनौती छ । उनले एक महिना भित्रै संसदवाट विश्वासको मत लिनुपर्छ ।”

“नेकपा एमालेमा देखिएको विवाद समाधान भएर माधवकुमार नेपाल समुहले उनलाई साथ दिएन भने देउवाको प्रधानमन्त्री यात्रा टुंगीन सक्ने सम्भावना पनि छ । यस्तो अवस्थामा नेकपा एमालेका युवा नेता महेश बस्नेतले एक महिनापछि फेरि केपी ओली सत्तामा पुनस्थापना हुन सक्ने दावी गरेका छन् । एक महिनाभित्र शेरबहादुर देउवाले विश्वासको मत प्राप्त गर्न नसक्ने र फेरी ओली नै प्रधानमन्त्री हुने उनको दावी हो ।”

“देउवाले विश्वासको मत लिन नसकेको अवस्थामा संसदमा ठूलो पार्टी भएको हैसियतमा ओलीले फेरी प्रधानमन्त्री दावी गर्न सक्ने बस्नेतको तर्क हो । निवर्तमान प्रधानमन्त्री केपी शर्मा ओलीलाई बालुवाटारबाट बालकोटसम्म स्कर्टिङ गर्ने क्रममा बस्नेतले यस्तो बताएका हुन् ।”

“उनले भने, ‘एक महिनापछि एमाले र जसपा मिलेर ७६ (५) को प्रधानमन्त्रीमा केपी ओलीले दावी गर्न पाउने कि नपाउने ? देउवाको दावीलाई मान्यता दिने अदालते एमाले र राजपाको दावीलाई मान्यता दिन्छ कि दिँदैन ’ ?

“देउवाले विश्वासको मत लिन नसके ओलीकै योजना अनुसार मुलुक निर्वाचनमा जाने उनको भनाई छ । बस्नेतले भने, ‘एक महिनापछि केपी ओली फेरि पुनस्स्थापना हुने सम्भावना छ । तर, यदि जालसाँजी गरियो भने पनि ६ महिनापछि हुने चुनावमा एमालेलाई कसैले छेक्न सक्दैन । एमाले बाघ हो । बाघ र सिंहसँग ल ड् न स्यालहरूले हुल बाँ धे र आउनुपर्छ ।’

नोट : mechimahakali मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई mechimahakalidotnet@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?