मेचीमहाकाली डट नेट NEWS

❣️🇳🇵सत्यतथ्य सहितको राष्ट्रको संचार ❣️🇳🇵

आस्थाको बिजोग

बढी बोल्नुको बेफाइदा के हुन्छ, यतिबेला आस्था राउतलाई सोध्नुस्। एयरपोर्टमा सेक्युरिटी चेकजाँचका क्रममा प्रहरीसँग भएको भनाभनलाई लिएर आस्थाले युद्ध छेडेपछि अहिले सामाजिक सञ्जाल दुई धु्रवमा बाँडिएको छ। एकातिर प्रहरीलाई गाली गर्ने छन् भने अर्कातिर आस्थालाई। प्रहरी चेकजाँचको

कुरालाई लिएर उनले सर्वप्रथम प्रहरीविरुद्ध मोर्चा खोलिन्, फेसबुक लाइभमा। लाइभमा उनले एयरपोर्टमा महिला प्रहरीले दुर्वाच्य प्रयोग गरेको भन्दै झन् उग्र शब्दले गाली गरिन्। उनले प्रहरीले गरेको गालीमा केही त पहिले सुन्दै नसुनेका गाली पनि थिए। उनको भिडियो भाइरल भएपछि प्रहरीले पनि एयरपोर्टको सीसीटीभी फुटेज बाहिर ल्यायो, जहाँ आस्था र प्रहरी दुवैले संयम छाडेको देखिन्छ। फुटेज बाहिर आएपछि फेरि आस्था फेसबुक लाइभमा आइन् र आफूले बोल्न नहुने शब्द बोलेको सकारिन्। तर, त्यतिमा सामाजिक सञ्जाल किन चित्त बुझाउँथ्यो? आस्थाको खेदो खन्न छाडेको छैन।

स–साना आलोचना पनि पचाउन नसक्ने गायिका हुन्, आस्था। पत्रकारले केही लेख्यो कि उनी आफू पनि पत्रकारिता पढेको भन्दै लेख्नेलाई सिकाउन थाल्थिन्। अहिले पनि उनले प्रहरीलाई सिकाउन खोजेकी थिइन्। तर, सधैँ एकनास किन हुन्थ्यो?
ब्वाइफ्रेन्डसँग म्युजिक भिडियो

साम्राज्ञीराज्यलक्ष्मी शाह अहिले प्रदीप खड्काको डेट कुरिरहेकी छिन्। प्रदीपको फिल्म ‘प्रेम गीत ३’को सुटिङ निर्धारित मितिमा नसकिँदा साम्राज्ञीले उनीसँग जोडी बनेर गर्न लागेको हेमराज बिसीको फिल्म फ्लोरमा जान सकेको छैन। ‘मारुनी’ र ‘रातो टीका निधारमा’को बक्सअफिस आँकडा हेरेपछि कुनै पनि निर्माताले साम्राज्ञीलाई मोटो रकम दिएर साइन गर्न हिम्मत जुटाउन सकेका छैनन्।फलतः उनको दैनिकी प्रेमी देवांश राणाको वरिपरि चक्कर लगाएर बितिरहेको छ। तर, चक्कर लगाएर मात्र कति बस्नु? हामीलाई त साम्राज्ञी खाली बसेको देख्दादेख्दा वाक्क लागिसक्यो भने उनी स्वयंलाई कति लाग्यो होला। अन्ततः उनले म्युजिक भिडियो खेल्ने निर्णय गरेकी छिन्। तर, रमाइलो कुरा के छ भने म्युजिक भिडियो खेल्दा उनले मोडल चाहिँ अरू हैन, देवांश नै चुनेकी छिन्।

फेसबुकमा सार्वजनिक गरेको सुटिङको तस्बिरमा साम्राज्ञीले लेखेकी छिन्, ‘अफस्क्रिन कपल इन अनस्क्रिन।’ उनी फिल्ममा पनि व्यस्त हुने हो भने देवांशलाई फिल्ममा पनि डेब्यू गराए हुन्छ। जोडी खेल्ने भनेपछि निर्माता ओइरो लाग्छन्। नपत्याए, पूजा शर्मा–आकाश श्रेष्ठ र सौगात मल्ल–सृष्टि श्रेष्ठको व्यस्तता हेरे पुग्छ।

नोट : mechimahakali मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई mechimahakalidotnet@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?